錢嘉樂親逐點拆解《特技狂人》　自豪稱：全世界特技人都一樣有不死精神

荷里活電影《特技狂人》（The Fall Guy）由賴恩高斯寧（Ryan Gosling）、艾美莉賓特（Emily Blunt）主演，故事講電影特技人，而該片導演大衛雷奇（David Leitch）本身也是當特技演員轉型成導演，所以他本身對此行業十分了解。

影片早前舉行優先場，出身洪家班，在80年代被封「替身王」、現任港動作演員特技工會會長錢嘉樂已看了該片，他觀賞後同大家解構當中有4大重點。

武影江湖｜元彪現身《新蜀山劍俠》4K首映　錢嘉樂感恩獲鼓勵轉型

▲ 《特技狂人》

1.堅持真人上陣出演

「荷里活嘅CG同埋AI都好先進，點解佢哋仲咁堅持用真人來做？觀眾入場後可以深深感受到特技人嘅付出、特技人嘅努力！」

2.特技人的浪漫

「電影中特技人除咗動作，還有一條浪漫線，戲中男主角（Ryan Gosling）一開場同女導演（Emily Blunt）條愛情線好深刻，一路拍攝，一路講緊啲好浪漫嘅情話，好得意！」

▲ 《特技狂人》

3.翻車破記錄

「之前睇過另一套荷里活大作，戲中佢哋翻車7周已經覺得嘆為觀止，諗唔到幾年後係《特技狂人》製作入邊破埋呢個世界紀錄！好興奮，特別我鍾意飛車呀嘛！」

4.特技人世間大同

「之前我哋有小黑哥（柯受良）飛越黃河，今次戲係入邊有飛越大峽谷；引證咗全世界嘅特技人都一樣有不死嘅精神！喺宜家呢個世界，有咁犀利嘅AI特技，但電影都尊重我哋特技人真實演出！希望全世界嘅觀眾都鍾意呢個片種！亦都希望多啲投資者而我哋特技人呢個題目拍多啲動作片！」 

▲ 《特技狂人》

最新影片推介：吳家樂專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5